- ຄອມພິວເຕີແມ່ນຫຍັງ?

ຄອມພິວເຕີ ແມ່ນ ເຄື່ອງເລັກໂທນິກຊະນີດໜື່ງທີ່ສາມາດປະມວນຜົນຂໍ້ມູນໃດ້ຢ່າງວ່ອງໄວ ແລະ ແມ້ນຢຳ ໃນອະດີດຄົນເຮົາໃດ້ໃຊ້ແຮງງານເຂົ້າໃນການຄຳນວນ ແລະ ເກັບກຳ ຂໍ້ມູນດ້ວຍການຈົດກ່າຍ ແລະ ນອກຈາກຈະເຮັດໃຫ້ເສຍເວລາແລ້ວຍັງເຮັດໃຫ້ຂໍ້ມູນຜິດພາດ. ຈົນກະທັ້ງມະນຸດເຮົາໃດ້ຄົ້ນຄວ້າ ແລະ ສ້າງ Computer ຂື້ນມາ ຄອມພິວເຕີ ໃດ້ເຂົ້າ ມາຊ່ວຍລົດແຮງງານຄົນ ດັ່ງນັ້ນ ມັນຈິ່ງຈຳເປັນທີ່ພວກເຮົາຈະຕ້ອງຮຽນຮູ້.

ໃນປັດຈຸບັນຄອມພິວເຕີໃດ້ເຂົ້າມາມີບົດບາດສຳຄັນຕໍ່ຊີວິດຂອງຄົນເຮົາທຸກຄົນທິຍົມກັນໃຊ້ຢ່າງແຜ່ຫຼາຍມັນບໍ່ໄດ້ຈຳກັດພຽງໃນແວດວົງທຸລະກິດເທົ່ານັ້ນ ແຕ່ຍັງເປັນທີ່ທຸກຄົນໃຊ້ ງານເປັນປະຈຳ ບໍ່ວ່າຈະເປັນ ນັກຮຽນ, ນັກສຶກສາ, ພະນັກງານ ແລະ ບຸກຄົນທົ່ວໄປ.

ຄອມພິວເຕີ(Computer) ຄື: ອຸປະກອນທາງອີເລັກໂທຣນິກ(Electronic Device)ທີ່ມະນຸດໃຊ້ເປັນເຄື່ອງໃນການຈັດການກັບຂໍ້ມູນທີ່ເປັນ ຕົວເລກ, ຕົວອັກສອນ ຫຼື ສັນຍາລັກທີ່ໃຊ້ແທນຄວາມໝາຍໃນສິ່ງຕ່າງໆ. ໂດຍຄຸນສົມບັດທີ່ສຳຄັນຂອງຄອມພິວເຕີ ຄື: ການທີ່ສາມາດກຳໜົດຊຸດຄຳສັ່ງລ່ວງໜ້າ ຫຼື ໂປຣແກຣມໄດ້(Programmable) ນັ້ນຄື: ຄອມພິວເຕີສາມາດທຳງານໄດ້ຫຼາກຫຼາຍຮູບແບບ ຂື້ນຢູ່ກັບຊຸດຄຳສັ່ງທີ່ເລືອກມາໃຊ້ງານ ເຮັດໃຫ້ຄອມພິວເຕີສາມາດໄປປະຍຸກໃຊ້ໃນວຽກງານຢ່າງກວ້າງຂວາງ ເຊັ່ນ: ການກວດຄື້ນຄວາມຖີ່ຂອງຫົວໃຈ, ການຝາກ-ຖອນເງິນໃນທະນາຄານ, ການກວດສອບສະພາບເຄື່ອງຈັກ, ເປັນຕົ້ນ. ຂໍ້ດີຂອງຄອມພິວເຕີຄື: ເຄື່ອງຄອມພິວສາມາດເຮັດວຽກ ໄດ້ຢ່າງມີປະສິດທິພາບ ມີຄວາມຖືກຕ້ອງ ແລະ ມີຄວາມວ່ອງໄວ

ຢ່າງໄດກໍ່ດີ ບໍ່ວ່າຈະເປັນວຽກງານຊະນິດໃດກໍ່່ຕາມ ຄອມພິວເຕີຈະມີວົງຈອນການທຳງານພື້ນຖານ 4 ຢ່າງ (IPOS Cycle) ຄື:

- ຮັບຂໍ່້ມູນ(Input) ເຄື່ອງຄອມພິເຕີຈະທຳການຮັບຂໍ້ມູນ ຈາກໜ່ວຍຮັບຂໍ່້ມູນ (Input Unit) ເຊັ່ນ: ຄີບອດ (Keyboard), ເມົາສ໌ (Mouse), ເຄື່ອງສະແກນເນີ (Scanner) ແລະ ອື່ນໆ...

- ປະມວນຜົນ (Processing) ເຄື່ອງຄອມພິວເຕີຈະທຳການປະມວນຜົນກັບຂໍ້ມູນ ເພື່ອແປງໃຫ້ຍູ່ໃນຮູບອື່ນຕາມທີ່ຕ້ອງການ

- ສະແດງຜົນ (Output) ເຄື່ອງຄອມພິວເຕີຈະໃຫ້ຜົນຮັບຈາກການປະມວນຜົນອອກມາທີ່ໜ່ວຍສະແດງຜົນຮັບ (Output Unit) ເຊັ່ນ: ເຄື່ອງພິມ (Printer), ຈໍພາບ (Monitor), ລຳໂພງ (Speaker) ,ແລະ ອື່ນໆ...

- ເກັບຂໍ້ມູນ(Storage)ເຄື່ອງຄອມພິວເຕີຈະທຳການເກັບຜົນຮັບຈາກການປະມວນຜົນໄວ້ໃນໜ່ວຍເກັບຂໍ້ມູນເພື່ອໃຫ້ນຳມາໃຊ້ໃໝ່ໄດ້ໃນອະນາຄົດ